Віцебскае абласное ўпраўленне Фонду сацыяльнай абароны насельніцтва Міністэрства працы і сацыяльнай абароны інфармуе

У адпаведнасці з Указам № 367 «Аб добраахвотным страхаванні дадатковай назапашвальнай пенсіі», пачынаючы з 1 кастрычніка 2022 года, у працуючых грамадзян, да дасягнення агульна ўстаноўленага пенсійнага ўзросту якіх застаецца не менш за 3 гады, з'явілася магчымасць назапасіць дадатковыя пенсійныя зберажэнні з фінансавай падтрымкай дзяржавы.

Як гэта зрабіць:

-    заключыць дагавор страхавання дадатковай назапашвальнай пенсіі з дзяржаўным прадпрыемствам "Стравіта";

-    выбраць тарыф пенсійных адлічэнняў – у межах ад 2% да 13% ад нарахаванай заработнай платы, з якіх:

ад 1% да 10% - утрымліваецца з работніка; 

ад 1% да 3% - выплачваецца працадаўцам;

-    паведаміць працадаўцу аб заключэнні дагавора дадатковага назапашвальнага пенсійнага страхавання шляхам падачы заяўкі аб утрыманні страховага ўзносу, які падлягае выплате за кошт сродкаў работніка;

-     вызначыць тэрмін выплаты сваёй дадатковай пенсіі – на працягу 5 або 10 гадоў пасля дасягнення агульна ўстаноўленага пенсійнага ўзросту.

Ключавыя перавагі:

-   фінансавая незалежнасць – пенсійныя выплаты не будуць абмежаваны толькі дзяржаўнай пенсіяй;

-   асабісты кантроль назапашванняў – памер штомесячнага страховага ўзносу можна змяняць у залежнасці ад фінансавага становішча або часова прыпыніць;

-   назапашванні абаронены дзяржавай ад інфляцыі і інвестуюцца ў надзейныя актывы, якія дазваляюць зберажэнням расці хутчэй, чым пры звычайным захаванні ў банку;

-   атрымліваць падатковую льготу – падатковы вылік у памеры 13% ад сумы выплачаных страхавых узносаў, які вяртаецца работніку з выплачанага падатку на даход;

-   фінансавая дысцыпліна – дагавор дапамагае сістэматычна адкладаць грошы, ператвараючы гэта ў карысную звычку;

-   спадкаемства пенсійных зберажэнняў у выпадку смерці работніка – выплата спадкаемцам назапашванняў ажыццяўляецца адзінаразова.

У Віцебскай вобласці расце колькасць удзельнікаў праграмы добраахвотнага страхавання дадатковай назапашвальнай пенсіі з фінансавай падтрымкай дзяржавы.

853 прадпрыемствы і арганізацыі выплачваюць адлічэнні страхавых узносаў у РУСП «Стравіта» на імянныя асабістыя рахункі 5 829 работнікаў.

Сярод рэгіёнаў вобласці лідарамі па колькасці работнікаў, у якіх фармуюцца дадатковыя пенсійныя назапашванні, з'яўляюцца горад Наваполацк – (1 759 удзельнікаў), Октябрьскі раён г. Віцебска (1 107 удзельнікаў), Аршанскі раён – (725 удзельнікаў) і Полацкі раён – (607 удзельнікаў).

Топ 5 прадпрыемстваў, работнікі якіх актыўна ўдзельнічаюць   у   пенсійнай   праграме:   ААТ   «Нафтан»,   РУП

«Віцебскэнерго», ААТ «Полацк-Стеклаволокно», УП «Віцебскоблгаз», Філіял РУСП «Белгосстрах» па Віцебскай вобласці».  

Віцебскае абласное ўпраўленне Фонду сацыяльнай абароны насельніцтва Міністэрства працы і сацыяльнай абароны