Віцебская вобласць працягвае развіваць супрацоўніцтва з кітайскай правінцыяй Шаньдун
У Віцебску намеснік старшыні абласнога выканаўчага камітэта Анжэліка Нікіціна правяла сустрэчу з дэлегацыяй правінцыі Шаньдун Кітайскай Народнай Рэспублікі. У маі гэтага года ў Шаньдунзе адбудзецца Форум рэгіёнаў-пабрацімаў, на які запрошана дэлегацыя паўночнага рэгіёна.
- Мы зацікаўлены пазнаёміць удзельнікаў форуму з прыярытэтнымі напрамкамі супрацоўніцтва з Віцебскай вобласцю, прадставіць свой патэнцыял у сумесным развіцці прамысловай і сельскагаспадарчай галін. У форуме прымуць удзел кіраўнікі трох нашых універсітэтаў, а гэтая сфера ўзаемадзеяння мае велізарныя перспектывы супрацоўніцтва ў сферы навукі і адукацыі. Таксама хочам пазнаёміць удзельнікаў форуму з нашым турыстычным і культурным патэнцыялам, магчымасцямі аздараўлення ў самых маляўнічых кутках Рэспублікі Беларусь, наведванне якіх дазволіць сумясціць адпачынак і бізнес, па якіх Кітай сёння з'яўляецца сусветным лідарам, - адзначыла Анжэліка Нікіціна.
У складзе дэлегацыі Віцебскай вобласці на форуме будуць прадстаўнікі прадпрыемстваў нафтавай і хімічнай галін, дрэваапрацоўкі, мясавай і малочнай прамысловасці, вытворцы шырокай лінейкі ветэрынарных прэпаратаў, кандытарскіх вырабаў.