У Віцебску ўручылі падарункі ад Прэзідэнта мамам і першым нараджаным у 2026 годзе дзяўчынкам
2026 год, абвешчаны Годам беларускай жанчыны, пачаўся з прыемных навін.
1 студзеня ў 00.01 у Віцебскім абласным клінічным радзільным доме нарадзілася дзяўчынка вагой 3 кг 700 г, ростам 53 см – гэта шосты дзіця ў сям'і. Дзякуючы зладжаным дзеянням медперсаналу, малеча нарадзілася паспяхова.
У гэты ж час у Віцебскім гарадскім клінічным радзільным доме № 2 нарадзілася дзяўчынка вагой 3 кг 575 г, ростам 53 см. Як паведамляюць спецыялісты, роды таксама былі тэрміновымі, і ўсё завяршылася добра. Дзіўныя супадзенні на гэтым не заканчваюцца – абедзве сям'і, дзе ў першую хвіліну наступіўшага года даведаліся пра нараджэнне дачок, – з Сенненскага раёна.
Уручыць мамам і нованароджаным падарункі ад імя Прэзідэнта напярэдадні Калядных святаў прыехалі старшыня абласнога Савета дэпутатаў Дзмітрый Дземідоў і начальнік галоўнага ўпраўлення па ахове здароўя аблвыканкама Міхаіл Вішнецкі.
– Становіцца цудоўнай традыцыяй, што першыя грамадзяне нашай краіны з'яўляюцца ў Віцебскай вобласці, у нашых радзільных дамах, і 2026 год таксама не стаў выключэннем, – адзначыў Дзмітрый Дземідоў. – Ёсць асаблівы сімвалізм у тым, што ў Год беларускай жанчыны, абвешчаны Прэзідэнтам літаральна за некалькі хвілін да гэтага, першымі на свет з'явіліся менавіта дзяўчынкі. Мы выконваем ганаровую місію, уручаючы падарункі ад імя Прэзідэнта нашай краіны сем'ям, бацькам гэтых дзяцей.
Кіраўнік дэпутацкага корпуса Віцебшчыны выказаў упэўненасць, што ў дзяцей, якія нарадзіліся ў такі ўнікальны момант, будзе цікавае, яркае, насычанае жыццё. І пажадаў маладым бацькам не забываць дарогу ў радзільны дом, падкрэсліўшы, што яны з'яўляюцца добрым прыкладам для іншых сем'яў. Бо самае вялікае шчасце ў жыцці любой сям'і – гэта нараджэнне дзяцей.
– Ніякія матэрыяльныя каштоўнасці не заменяць любові дзяцей, любові да дзяцей, клопату пра іх, бо ў гэтым і ёсць нашы нацыянальныя духоўныя каштоўнасці, нашы скрепы і наша шчасце, – падкрэсліў Дзмітрый Дземідоў.
Маму Анжэліку з нованароджанай Віялетай прыехала сустракаць з абласнога радзільнага дома ўся шматдзетная сям'я Атрашкевічаў: тата Раман і пяць дзяцей – 16-гадовая Заліна, 12-гадовы Тімур, 8-гадовы Артур, 4-гадовы Дзмітрый і 2-гадовая Кароліна. Цяпер у сям'і тры хлопчыка і тры дзяўчынкі. Дарэчы, абодва бацькі – з шматдзетных сем'яў, таму дзеці ў іх у пашане і ў планах.
Елізавета Ганчарова, мама «навагодкі-26», якая з'явілася ў Віцебскім гарадскім радзільным доме № 2, расказала, што імя для дачкі ўжо было падрыхтавана загадзя – малечу назвалі Уладзіславай. Гэта жаданы першынец у сям'і, дома дзяўчынку ўжо чакаюць любячы тата, бабулі і дзядулі і шматлікая родня.
– Я перадаю эстафету ўсім нашым жанчынам, – сказала растроганая ўрачыстым прыёмам і віншаваннем, перададзеным ад кіраўніка дзяржавы, Анжэліка Атрашкевіч. – Жадаю нараджаць малых, не баячыся станавіцца шматдзетнымі. Няхай Бог кожнай мець такое шчасце, як маленькае дзіця ў вашых руках!