У пераддвер'і 80‑годдзя Вялікай Перамогі ў Віцебску пачаўся аўтапрабег у памяць аб героях

У пераддні 80-годдзя Вялікай Перамогі следчыя Беларусі і Расіі ўшанавалі памяць тых, хто вызваліў нашу Радзіму ад нямецка-фашысцкіх захопнікаў.

Урачыстае адкрыццё міжнароднага аўтапрабегу адбылося ў Віцебску каля мемарыяльнага комплексу ў гонар савецкіх воінаў-вызваліцеляў, партызан і падпольшчыкаў на плошчы Перамогі.

Да следчых двух краін далучыліся будучыя калегі – студэнты юрыдычнага факультэта ВГУ ім. П. Машэрава. Усе разам яны ўклалі вянкі і кветкі да падножжа мемарыяла.

У маштабным праекце ўдзельнічаюць супрацоўнікі ўпраўленняў Следчага камітэта па Віцебскай, Гомельскай, Мінскай і Магілёўскай абласцях, прадстаўнікі Цэнтральнага апарата Следчага камітэта Расіі, следчых упраўленняў СК па Бранскай і Смаленскай абласцях. Удзельнікі памятнага маршруту наведаюць мемарыяльны комплекс «За нашу Савецкую Радзіму» (Орша), мемарыял воінскай славы «Лудчыцкая вышыня» (Быхаўскі р-н), мемарыяльныя комплексы «Ола» (Светлагорскі р-н) і «Озарчыцы» (Калінкавіцкі р-н), дзе пройдуць урачыстыя мерапрыемствы.

– Памятны аўтапрабег такога маштабу ўпершыню праходзіць на нашай зямлі і сімвалізуе еднасць двух нашых народаў. Гэта даніна павагі загінулым. Маршрут аўтапрабегу праходзіць па трох абласцях – Віцебскай, Магілёўскай і Гомельскай. Упэўнены: падобная традыцыя будзе працягнута, і разам з расійскімі калегамі мы наведаем памятныя месцы ў Смоленску, Бранску, Пскове і іншых рэгіёнах, – падкрэсліў начальнік упраўлення Следчага камітэта па Віцебскай вобласці палкоўнік юстыцыі Аляксандр Гуцко.

– Вельмі важна памятаць пра нашых прадзедаў і дзядоў, якія цаной сваіх жыццяў заваявалі Перамогу і мірнае будучае. Падобныя акцыі неабходны, каб перадаваць памяць пра пераможцаў моладзі і такім чынам падтрымліваць патрыятычнае выхаванне і сувязь пакаленняў. Разам з віцебскімі калегамі мы запланавалі сумесныя вахты памяці на тэрыторыі Смаленскай вобласці, дзе пошукавыя атрады да гэтага часу знаходзяць парэшткі савецкіх байцоў, гераічна загінулых за вызваленне нашай агульнай Радзімы. Адна з такіх вахт адбудзецца ў жніўні, – адзначыў кіраўнік Следчага ўпраўлення Следчага камітэта РФ па Смаленскай вобласці генерал-майор юстыцыі Анатолій Уханаў.

vitebsk-region.gov.by