У Оршы другі раз праходзіць фестываль льна «Поле кветак»
Пад гукі музыкі на галоўнай сцэнічнай пляцоўцы свята вось ужо ў другі раз у Оршы далі старт фестывалю льна «Поле кветак».
У ўрачыстай цырымоніі прынялі ўдзел намеснік старшыні Віцебскага аблвыканкама Анжэліка Нікіціна, старшыня Аршанскага райвыканкама Ігар Мароз, генеральны дырэктар Аршанскага льнокомбінака Алег Буянаў, а таксама дэпутаты Палаты прадстаўнікоў Нацыянальнага сходу Рэспублікі Беларусь і Савета Рэспублікі, прадстаўнікі міністэрства лёгкай прамысловасці. У пачатку паважаныя госці наведалі інтэрактыўныя зоны і тэматычныя пляцоўкі. Азнаёміліся з льнянымі вырабамі Аршанскага льнокомбінака. Затым асноўныя дзеянні перанесліся на галоўную сцэну. Урачысты канцэрт пачаўся з выступлення творчых калектываў Аршаншчыны. Адкрываючы свята, Анжэліка Нікіціна адзначыла, што, нягледзячы на тое, што фестываль «Поле кветак» яшчэ малады і пакуль праходзіць у рамках раёна, але зусім хутка ён стане міжнародным – нараўне са «Славянскім базарам» і «Viva Braslav». Свята працягнулася модным паказам апошніх калекцый адзення Аршанскага льнокомбінака. А мадэлямі выступілі студэнты Віцебскага тэхналагічнага ўніверсітэта.
Віктар СОСНОЎСКІ.
Фота аўтара.