У Оршы адбыліся экстрымальныя забегі «Х-трейл»
Мора эмоцый выпрабавалі ўдзельнікі экстрэмальных забегаў «Орша Х-трэйл». Бо на трасе ў кар'еры «Кутэінка» 29 чэрвеня іх чакала мора вады, бруду і цікавых перашкод ад арганізатараў спаборніцтваў.
Пад праліўным дажджом першымі стартавалі самыя маленькія – дзеці 3-6 гадоў. Яны беглі 400 метраў па асобнай дыстанцыі.
Затым на спрошчаную трасу ў 2 км выйшлі дзеці ў ўзроставых групах ад 8 да 11 гадоў.
Оршанцы занялі некалькі прызавых месцаў. Сярод дзяўчынак 8-9 гадоў Анастасія Фёдарава – 2-е месца, Вікторыя Аўтаномава – 3-е. Сярод хлопчыкаў гэтай узроставай групы Уладзімір Гардзіенка заняў 3-е месца. Варя Азарава – 3-е месца сярод дзяўчынак 10-11 гадоў.
Позней прайшлі выпрабаванне лужамі і брудам падлеткі 12-15 гадоў на 4 км. Іван Шпак з Оршы адолеў перамогу сярод хлопчыкаў 12-13 гадоў, а Ксенія Хілько заняла 3-е месца сярод дзяўчынак у гэтым узросце.
Дождлівая пагода моцна ўскладніла трасу. На слізкіх пад'ёмах і спусках патрэбна была максімальная канцэнтрацыя, а прыліпаючы гліна ўцяжарвала абутак. Гэта асабліва адчулі на сабе ўдзельнікі асноўных забегаў на 4 і 10 км сярод дарослых. У гэтым годзе арганізатары дабавілі перашкоду ў выглядзе бар'ераў, была традыцыйная «паутинка» над лужай і сетка на сушы. А самым асвяжальным – вадаём. Этап па ім трохі скарацілі з-за высокага ўзроўню вады.
Наогул вады было шмат не толькі на трассе. Нядалёка ад фініша для ўдзельнікаў падрыхтавалі паходную баню, летні душ і чан з вадой.
Па выніках забегу на 4 км оршанцы таксама аказаліся ў пераможцах і прызёрах. Дзмітрый Галоўачоў заняў 1-е месца ў агульным заліку сярод мужчын, Марыя Тітэнкава – 2-е месца ў агульным заліку сярод жанчын, а Глеб Гуленкаў – 3-е месца сярод мужчын старэй за 41 год.
Усе зарэгістраваныя фінішэры, а іх было 246 чалавек з розных рэгіёнаў Беларусі і Расіі, атрымалі арыгінальныя памятныя медалі ад аддзела спорту і турызму Оршанскага райвыканкама. А пераможцы і прызёры ў ўзроставых групах – яшчэ і грашовыя прэміі.
Сяргей СЛЕПЦОВ.
Фота аўтара.