У Оршы адбылася стратэгічная сесія па пытаннях развіцця стартап-руху
У Оршы адбылася стратэгічная сесія па пытаннях перспектываў развіцця стартап-руху і малога інавацыйнага прадпрымальніцтва на тэрыторыі Віцебскай вобласці.
Мерапрыемства прайшло на базе Оршанскага бізнес-інкубатара «Закон і парадак». У ім прынялі ўдзел прадстаўнікі Оршанскага райвыканкама, рэгіянальнага цэнтра падтрымкі прадпрымальніцтва і нерухомасці, работнікі ААТ «Белаграпрамбанк», сферы адукацыі, кіраўнікі арганізацый, якія займаюцца прасоўваннем і развіццём інавацыйных тэхналогій.
Мадэратарамі стратэгічнай сесіі выступілі супрадзеднік праўлення і дырэктар Бізнес-союза прадпрымальнікаў і наймальнікаў імя прафесара М. С. Куняўскага Жанна Тарасевіч і намеснік дырэктара па развіцці Дзмітрый Крупскі.
Раздзяліўшыся на тры каманды, удзельнікі мерапрыемства ў рэжыме мозгавога штурму абмеркавалі праблемы, якія тармозяць развіццё стартап-руху і малога інавацыйнага прадпрымальніцтва ў краіне і рэгіёне, а таксама іх месца і ролю ў сістэме ўзаемаадносін «бізнес-дзяржава-супольнасць». У ходзе дыскусіі вырабілі калектыўнае бачанне будучага стартап-руху ў кантэксце рашэння дзяржаўна значных задач на пяцігодку.
Вадзім КРАЎЧЭНКА.
Фота аўтара.