У Оршы сёння працуюць міжнародныя назіральнікі
Сёння ў Оршу прыбылі міжнародныя наглядальнікі ад місіі СНГ выбарчай камісіі Пскоўскай вобласці Расійскай Федэрацыі.
У складзе дэлегацыі – старшыня выбарчай камісіі Пскоўскай вобласці Ігар Сапоў, яго намеснік Сяргей Кулакоў і начальнік аддзела прававога забеспячэння выбарчай камісіі Пскоўскай вобласці Борыс Сакалоў.
У Оршанскім райвыканкаме яны сустрэліся з кіраўніцтвам раёна і Оршанскай раённай камісіяй па выбарах Прэзідэнта Рэспублікі Беларусь. Затым госці адправіліся на участкі для галасавання.
Сяргей СЛЕПЦОВ.
Фота аўтара.
На участку для галасавання № 38, размешчаным у СШ № 13 па вул. Івана Якубоўскага, міжнародныя наглядальнікі ад місіі СНГ выбарчай камісіі Пскоўскай вобласці адзначылі, што ў Оршанскім рэгіёне выбарчы працэс праходзіць адкрыта і сумленна, выбары на участках арганізаваны прафесійна.
– Мы сёння праводзім назіранні ў Рэспубліцы Беларусь, прыехалі ў Оршу, наведваем участкі, дзе праходзяць выбары Прэзідэнта. Відзім, што участкі добра падрыхтаваны, абсталяваны, захоўваецца права тайнага галасавання. Відзім, што для забеспячэння правапарадку і бяспекі грамадзян на участках дзяжураць супрацоўнікі міліцыі і МНС. І самае галоўнае – для людзей ствараецца святочнае настроенне. З задавальненнем паглядзелі канцэрт, які арганізавалі педагогі і вучні сярэдняй школы № 13, – сказаў назіральнік з Расійскай Федэрацыі Ігар Сапоў.
Людміла МАРШАЛОВІЧ.
Фота аўтара.
Затым міжнародныя наглядальнікі адправіліся ў Оршанскі каледж харчавання імя Н. А. Корначёнка на участак для галасавання № 26. Госці сустрэлі старшыня камісіі – дырэктар каледжа Генадзь Сіняўскі.
Госці з Расіі адразу адзначылі, што ўчастак цалкам абсталяваны, на стэндах размешчана неабходная інфармацыя пра кандыдатаў. Яны таксама пагаварылі з членамі камісіі, выбаршчыкамі. Пацікавіліся меркаваннем беларускіх наглядальнікаў пра тое, як праходзіць галасаванне.
Пагаварылі міжнародныя наглядальнікі і з журналістамі.
– Беларусь – наш стратэгічны партнёр, таму, калі мы атрымалі запрашэнне, не маглі не паехаць і з радасцю яго прынялі, – расказаў старшыня выбарчай камісіі Пскоўскай вобласці Ігар Сапоў. – Выбарчы працэс арганізаваны на дастаткова высокім узроўні. Для людзей гэта сапраўдны свята. На участках арганізаваны і розныя творчыя канцэрты, працуюць буфеты. Важна і дзяжурства медыцынскага персаналу, валанцёраў. Прыемна бачыць, што многія дарослыя прыходзяць з дзецьмі, прывучаюць іх да выбарчай культуры.
Віктар СОСНОЎСКІ.
Фота аўтара.
