У Оршы прайшоў урачысты мітынг, прысвечаны Дню Кастрычніцкай рэвалюцыі!

Сёння на плошчы Леніна адбылося ўрачыстае мерапрыемства, прысвечанае Дню Кастрычніцкай рэвалюцыі!

З лозунгам «Кастрычніцкая рэвалюцыя: Эпоха ў памяці народа» сабраліся прадстаўнікі ўлады, партый і грамадскасці Аршанскага раёна. Сярод ганаровых гасцей - намеснік старшыні Аршанскага райвыканкама Анастасія Пракопьева і першы сакратар раённай арганізацыі КПБ Аркадий Есіповіч.

«7 лістапада - лёсавызначальная дата ў летапісе многіх народаў. Кастрычніцкая рэвалюцыя змяніла гісторыю не толькі адной велізарнай краіны, але і далейшы ход усёй сусветнай гісторыі. Гэта наша агульная гісторыя, якую мы павінны захоўваць», адзначыла Анастасія Адамоўна.

У завяршэнне мерапрыемства яго ўдзельнікі ўклалі кветкі да падножжа помніка Леніну, аддаючы дань павагі гістарычнаму мінуламу.

«Кастрычніцкая рэвалюцыя: Эпоха ў памяці народа» - гэта не проста словы, гэта наша гісторыя.