У Оршы прайшоў паказ фільма «У спісах не значыўся»
У Оршы ў кінатэатры «Перамога» з 1 мая пачаўся паказ мастацкага фільма «У спісах не значыўся» па матывах аднайменнай аповесці Барыса Васільева. Учора на ім пабываў актыў рэгіёна.
Дзеянне кінокарціны разгортваецца ў чэрвені 1941 года. Лейтэнант Мікалай Плужнікаў прыбывае ў Брэст. У чатыры гадзіны раніцы пачынаецца вайна, і малады чалавек аказваецца сярод абаронцаў Брэсцкай крэпасці, не паспэўшы афіцыйна ўступіць у рады ваеннаслужачых.
У фільме зняліся студэнты Тэатральнай школы Алега Табакова і акцёры з трупы Тэатра Алега Табакова. Галоўную ролю выканаў Уладзіслаў Міллер, а старшыну Стэпану Матвееўіча сыграў Уладзімір Машкоў. Рэжысёрам праекта стаў Сяргей Каратаеў.
Раней карціна стала фільмам адкрыцця 47-га Маскоўскага міжнароднага кінафестывалю, які праходзіў з 17 па 24 красавіка.
Для здымак фільма ў кінопарку «Маскіно» ўзвялі маштабную дэкарацыю плошчай 42 тыс. кв. м. – дакладную копію Брэсцкай крэпасці. Фасады касцёла Святога Казіміра, салдацкіх казармаў і Тэрэспальскіх варот адтворылі на трывалых металічных каркасах з умацаванымі сценамі і столямі. Мастакі апіраліся на фотаздымкі 1941 года.
У кінатэатры «Перамога» практычна ўвесь зал запоўнены гледачамі. Сярод іх і кіраўніцтва раёна.
– Фільм «У спісах не значыўся» паглядзела з задавальненнем. Кінокарціна цяжкая, але вельмі відовішчная. Дзеянні разгортваюцца дынамічна, а сюжэт захоплівае. Фільм пра тое, як можа змяніцца жыццё з шматабяцальнай і шчаслівай у жах, які нясуць вайна. Асабліва гэта актуальна ў пераддні святкавання 80-годдзя Вялікай Перамогі. Мы памятаем пра подзвігі папярэдніх пакаленняў і зробім усё магчымае, каб памяць пра тую страшную вайну жыла ў кожным з нас, – падзялілася ўражаннямі начальнік аддзела ідэалагічнай працы і па справах моладзі Аршанскага райвыканкама Марыя Шматова.
Пад вялікім уражаннем ад прагляду карціны засталася і моладзь.
Вадзім КРАЎЧЭНКА.
Фота аўтара.