У Оршы адбiўся дзень адкpытых дзвярэй у ваенна‑патрыятычным клубе ЮНЕСКО «Русічі»
У ваенна-патрыятычным клубе ЮНЕСКА «Русічы» прайшоў дзень адкрытых дзвярэй. У ім прынялі ўдзел вучні школ і ССУЗаў раёна, а таксама выхаванцы ваенна-патрыятычных клубаў.
Кожную групу напутственным словам сустракаў бясменны кіраўнік «Русічаў» Грыгорый Шарай. Ён знаёміў хлопцаў з кароткай гісторыяй клуба, асноўнымі напрамкамі дзейнасці, дасягненнямі і ўзнагародамі. Пасля гэтага ўдзельнікі мерапрыемства наведвалі тэматычныя пляцоўкі, падрыхтаваныя ўдзельнікамі клуба і структурамі, з якімі хлопцы ўзаемадзейнічаюць пры асваенні ваеннай справы.
Першай кропкай на карце стала экспазіцыя, прысвечаная падзеям вайны ў Афганістане. На ёй былі прадстаўлены сродкі сувязі, назірання, зброі і сродкі абароны тых часоў. Таксама прадстаўнікі клуба прадэманстравалі форму савецкіх салдат і моджахедаў. На наступнай кропцы былі прадстаўлены аўтамабілі ДОСААФ, на якіх юнакі Аршаншчыны праходзяць навучанне на права кіравання транспартнымі сродкамі ў інтарэсах Узброеных Сіл Рэспублікі Беларусь.
Затым удзельнікі мерапрыемства перамясціліся на выставу ваеннай формы ад часоў Вялікай Айчыннай вайны да сучаснасці.
Наступным этапам стала пляцоўка, падрыхтаваная ОСВОДам. Ратавальнікі расказалі вучням пра сваю працу, прадставілі сродкі выратавання і экіпіроўкі, якімі карыстаюцца водалазы. У сваю чаргу Грыгорый Шарай патлумачыў удзельнікам акцыі, што выхаванцы яго клуба на базе ОСВОДа праходзяць водалазную падрыхтоўку.
Таксама госці дня адкрытых дзвярэй паглядзелі на палаточны гарадок і ўмовы пражывання ў ім «Русічаў» падчас палявых выездаў. Юнакі і дзяўчаты маглі прымерыць на сябе сродкі радыяхімічнай абароны, а самыя смелыя ўвайсці ў задымленую палатку, якая імітуе прымяненне хімічнай зброі.
Затым удзельнікі акцыі перамясціліся на пляцоўку па аказанні медыцынскай дапамогі, арганізаваную педагогамі Аршанскага медыцынскага каледжа. Медыкі расказалі хлопцам пра правілы аказання дапамогі, навучылі рабіць штучную вентыляцыю лёгкіх, прадэманстравалі хірургічныя інструменты. Пасля гэтага ўсе перамясціліся на парашютную пляцоўку. Грыгорый Степановіч расказаў, што ўсе ўдзельнікі клуба «Русічы» праходзяць падрыхтоўку па скачках з парашутам. У пачатку курса яны знаёмяцца з правіламі паводзін пры скачку і прызямленні, вучацца ўкладаць парашут. Пасля паспяховага асваення тэорыі выхаванцы атрымліваюць права на тры скачкі з парашютнай вышкі, па выніках якіх яны атрымліваюць магчымасць здзейсніць скачок з самалёта.
Затым хлопцы перамясціліся на лакалізацыі рукапашнага бою, стральбы з пнеўматычнай зброі, метання гранат і пошукавую пляцоўку. На кожнай з іх «Русічы» прадэманстравалі свае ўменні, а таксама далі магчымасць паспрабаваць свае сілы ўсім жадаючым. Финальнай кропкай на маршруце экскурсіі стаў прывал з салдацкай кашай.
– Асноўная мэта дня адкрытых дзвярэй – пазнаёміць аршанскіх хлопцаў з дзейнасцю нашага клуба, каб яны прыйшлі да нас займацца, – расказаў Грыгорый Шарай. – На арганізаваных пляцоўках мы паказалі толькі частку элементаў асноў ваеннай справы, па якіх рыхтуюцца «Русічы». Наш клуб існуе ўжо больш за 37 гадоў. За гэты час школу па падрыхтоўцы да абароны Радзімы прайшло больш за 3 000 хлопчыкаў і дзяўчынак. Сярод іх ёсць падпалкоўнікі, маёры Узброеных Сіл Рэспублікі Беларусь, некаторыя хлопцы ўзначальваюць спецпадраздзяленні. Мы таксама выхавалі шэсць майстроў спорту па рукапашным боі. Варта адзначыць, што тыя «Русічы», якія пройдуць поўны курс падрыхтоўкі, будуць мець права паступіць у Ваенную акадэмію Рэспублікі Беларусь без уступных экзаменаў. Для хлопцаў, якія бачаць сваё будучае ў абароне нашай Радзімы, гэта выдатны шанец атрымаць профільную адукацыю.
Віктар СОСНОЎСКІ.
Фота аўтара.