У Оршы павіннавалі работнікаў сацыяльнай абароны

У РЦК «Перамога» адбыўся святочны канцэрт, прысвечаны Дню работнікаў сацыяльнай абароны. Гэты прафесійны свята адзначаецца ў Рэспубліцы Беларусь з 1998 года і аб'ядноўвае сёння больш за 40 тысяч спецыялістаў, якія прысвяцілі сваё жыццё дапамозе людзям, якія апынуліся ў складанай жыццёвай сітуацыі.

У гэты дзень словы падзякі і прызнання прымалі работнікі і ветэраны дзяржаўных органаў і арганізацый сістэмы сацыяльнай абароны Аршанскага раёна. З прафесійным святам іх павіншавалі намеснік старшыні Аршанскага райвыканкама Анастасія Прокофьева, старшыня Аршанскага раённага Савета дэпутатаў Інна Хомутоўская, начальнік упраўлення па працы і сацыяльнай абароне насельніцтва Аршанскага райвыканкама Таццяна Захарава, старшыня раённай арганізацыі прафсаюза дзяржаўных і іншых устаноў Таццяна Тышкова.

У рамках святочнага мерапрыемства лепшыя работнікі галіны былі ўзнагароджаны граматамі і падзякамі рознага ўзроўню. Сапраўдную атмасферу свята стварылі творчыя калектывы Аршанскага раёна, падарыўшы гледачам яркія канцэртныя нумары і добры настрой.

Віктар СОСНОЎСКІ.
Фота аўтара.