У Оршы з'явілася галерэя снежных скульптур

Упершыню за доўгі час у Оршы прайшоў конкурс снежных скульптур «Галерея снежных цудаў». Ён адбыўся на тэрыторыі спартыўнага комплексу «Алімпеец» у рамках раённага зімовага свята «Мороз аб'ядноўвае» і быў прысвечаны Году беларускай жанчыны.

Апошнія некалькі гадоў надвор'е не дазваляла праводзіць конкурс. Затое ў гэтым годзе падарыла оршанцам сапраўдную марозную і снежную зіму. Нягледзячы на тэмпературу на градусніку -20, холаду ніхто не спалохаўся. Шаснаццаць каманд з прадпрыемстваў, арганізацый, навучальных устаноў Оршанскага рэгіёна праяўлялі сваю творчасць і фантазію.

Да конкурсу ўдзельнікі падышлі з усёй адказнасцю. Шпатель, лапата, вада, акварэльныя фарбы – і вось ужо з снегу вымалёўваюцца фігуры. На працу адводзілася ўсяго 45 хвілін. За гэты час каманды павінны былі стварыць свае шэдэўры з снегу. Кога тут толькі не было: кот Матроскін, Залатая рыбка, Карлсон, Емеля і многія іншыя казачныя персанажы.

Асобнае месца ў ўдзельнікаў конкурсу займала тэма Года беларускай жанчыны. Ёй былі прысвечаны практычна палова снежных скульптур: Сняжная госця, Акваледі, Матрошка, Беларусачка, Мама, сям'я, дзеці. У кожнай з работ раскрывалася прыгажосць, дабрыня, пяшчота і сіла беларускіх жанчын.

Камандзе трэба было не толькі вырабіць скульптуры, але і прадставіць абарону ў любым мастацкім жанры, які адлюстроўвае ідэю стварэння фігуры. Журы ацэньвала паўнату і выразнасць раскрыцця тэмы, складанасць выканання, крэатыўнасць, арыгінальнасць дызайну, мастацкую выразнасць, артызм і творчыя здольнасці ўдзельнікаў.

Вызначыць пераможцу было нялёгка. Удзельнікі спявалі частушкі, песні і нават паказвалі цэлыя тэатралізаваныя прадстаўленні.

 Па выніках конкурсу пераможцам стала каманда завода «Легмаш» са скульптурай «Печка Беларусачка», другое месца заняла Оршанская цэнтральная паліклініка з кампазіцыяй «Родныя карані», на трэцім месцы каманда Оршанскага льнокомбіната з фігурай «Залатая рыбка». Пераможцы ўзнагароджаны дыпломамі і падарункамі, а ўсе астатнія ўдзельнікі конкурсу – дыпломамі ўдзельнікаў.

Альга ТИХОНОВА.
Фота аўтара, Вадзіма КРАЎЧЭНКІ і Сяргея СЛЕПЦОВА.

Крыніца orshanka