У Оршы падвялі вынікі круглага года спартакіды сярод вучэбнай моладзі
У Оршанскім каледжы харчавання адбылася ўрачыстая цырымонія падвядзення вынікаў раённай круглагадовай спартакіяды сярод навучальнай моладзі.
Хлопцы і дзяўчаты з каледжаў Оршаншчыны вызначалі самых моцных у васьмі спартыўных відах: валейболе, стрытболе, настольным тэнісе, міні-футболе, лёгкай атлетыцы, баскетболе, шматбор'і «Здароўе» і лёгкаатлетычным кросе.
На мерапрыемстве былі ўзнагароджаны лепшыя спартсмены і іх настаўнікі – выкладчыкі фізічнай культуры.
Награды пераможцам уручылі намеснік старшыні Оршанскага райвыканкама Анастасія Прокофьева і начальнік аддзела спорту і турызму Снежана Брюзгіна.
Звяртаючыся да ўдзельнікаў, Анастасія Адамоўна падкрэсліла значнасць спорту ў жыцці маладога пакалення:
– Сёння ў Беларусі развіццю масавага спорту і фізічнаму выхаванню моладзі надаецца вялікая ўвага. Спорт выхоўвае характар, дысцыпліну, аб'ядноўвае пакаленні. Менавіта праз спартыўны дух фармуюцца ў чалавеку мэтанакіраванасць, працавітасць і ўменне працаваць у камандзе.
У агульнакамандным заліку сярод дзяўчат першае месца ўпэўнена занялі прадстаўніцы Оршанскага каледжа ВГУ імя П. М. Машэрава. Другімі сталі спартсменкі медыцынскага каледжа, а трэцімі – навучэнцы каледжа харчавання.
У хлопцаў пераможцамі таксама сталі навучэнцы Оршанскага каледжа ВГУ імя П. М. Машэрава. «Срэбра» заваявала каманда Оршанскага каледжа-філіяла УА «БелГУТ». Бронзавымі прызёрамі спартакіяды сталі навучэнцы механіка-эканамічнага каледжа.
Вадзім КРАЎЧЭНКА.
Фота аўтара.