У Оршы абмеркавалі пытанні бяспекі і гатоўнасці ўсіх службаў да зімы
Сёння ў райвыканкаме адбылося чарговае пасяджэнне камісіі па надзвычайных сітуацыях пры Аршанскім раённым выканаўчым камітэце.
У яе працы прынялі ўдзел намеснік старшыні Аршанскага райвыканкама Сяргей Шуроў, начальнік Аршанскага ГРОЧС Андрэй Курятнікаў, а таксама кіраўнікі розных службаў, прадпрыемстваў і арганізацый раёна.
У ходзе пасяджэння быў разгледжаны шэраг актуальных пытанняў. Так, з дакладам па забеспячэнні гатоўнасці Аршанскага раёна да восеньска-зімовага перыяду 2025–2026 гадоў выступіў начальнік Аршанскага ГРОЧС Андрэй Курятнікаў, які адзначыў неабходнасць своечасовага рэагавання на пагодныя ўмовы. Асобная ўвага была ўдзялена пытанням ачышчэння дарог ад снегу і наледзі, падтрымання аўтатранспарту ў справным стане, распрацоўцы графікаў дзяжурства адказных асоб па прадпрыемствах. Акрамя таго, абмяркоўваліся пытанні ачышчэння дахоў ад снегу і сосулек, фарміравання брыгад па расчышчэнні, а таксама правядзення абследаванняў дахаў для прадухілення няшчасных выпадкаў.
Сярод іншых задач названы: своечасовая перадача інфармацыі аб магчымых надзвычайных сітуацыях, ачышчэнне дажджавых каналізацый, падрыхтоўка да пажаранебяспечнага сезона 2026 года, навучанне істопнікаў і кательшчыкаў па праграме пажарна-тэхнічнага мінімуму, а таксама стварэнне запасаў рэагентаў і матэрыялаў для ўтрымання дарог зімой.
Яшчэ адным пытаннем парадку дня стала абмеркаванне мер па прывядзенні ў гатоўнасць абарончых збудаванняў грамадзянскай абароны. Аб гэтым з дакладам выступіў дырэктар КУП «Оршакомхоз» Уладзімір Чумяны.
Таксама былі агучаны вынікі смотра-конкурсу абарончых збудаванняў грамадзянскай абароны Аршанскага раёна ў 2025 годзе. Дыплом пераможцы ўручылі прадстаўніку філіяла «Оршанскае вытворчае ўпраўленне» вытворчага рэспубліканскага унітарнага прадпрыемства «Віцебскоблагаз».
У завяршэнне пасяджэння камісія разгледзела пытанне аб папярэджанні гібелі людзей на вадзе і падвяла вынікі купальнага сезона 2025 года. Андрэй Курятнікаў адзначыў, што работа па прафілактыцы няшчасных выпадкаў працягнецца і ў міжсезонны перыяд. Асобная ўвага будзе ўдзялена правядзенню растлумачальнай работы сярод насельніцтва, асабліва з дзецьмі і падлеткамі, а таксама ўмацаванню матэрыяльна-тэхнічнай базы ратавальных пастоў.
Віктар СОСНОЎСКІ.
Фота аўтара.