У Оршы на месцы старога грамадскага жытла пабудуюць сучасны дом

Сёння ў Оршанскім раёне адбылося абмеркаванне архітэктурнай канцэпцыі 5-павярховага жылога дома, у якім будуць прымяняцца сучасныя тэндэнцыі ў будаўніцтве.

Ён размесціцца на месцы знесенага грамадскага жылля па вул. 1 Мая побач з прадпрыемствам «Оршастройматэрыялы» і насупраць філіяла «Оршанскі хлебазавод».

Мнагакватэрны дом будзе двухпад'ездны і разлічаны на 56 кватэр. Прылягаючая тэрыторыя будзе закрытай. На ёй размесціцца дзіцячая гульнявая і кантэйнерная пляцоўкі для збору ТБО. Таксама прадугледжаны дзве паркоўкі.

Як расказаў інжынер праекта, прадстаўнік ТАА «Адабі» (г. Віцебск) Аляксандр Юзіфовіч, у Оршы гэта будзе першы дом з прымяненнем сучасных і камфортных архітэктурных рашэнняў, які знешне будзе істотна адрознівацца ад іншых новабудоўляў.

Дарэчы, падобны праект ужо рэалізаваны ў г. Віцебску.

Альга ТИХОНОВА.
Фота аўтара.

Крыніца: orshanka