У Новапалацку на выездным пасяджэнні пад кіраўніцтвам Наталі Качанавой абмеркавалі пытанні эфектыўнасці працы ЖКХ
Сёння ў Наваполацку адбылося выязное пасяджэнне Савета па ўзаемадзеянні органаў мясцовага самакіравання пры Савеце Рэспублікі Нацыянальнага сходу Рэспублікі Беларусь пад кіраўніцтвам старшыні Савета Рэспублікі Наталлі Качанавой.
Пачалася праца з наведвання Наваполацкага рэгіянальнага комплексу па ўтылізацыі ТКО, дзе ўдзельнікі пасяджэння азнаёміліся з тэхналогіяй перапрацоўкі цвёрдых камунальных адходаў, выставай гатовых прадуктаў, спецыяльнай тэхнікай.
Далей удзельнікі выязнога пасяджэння Савета па ўзаемадзеянні органаў мясцовага самакіравання пры Савеце Рэспублікі Нацыянальнага сходу Рэспублікі Беларусь перайшлі да абмеркавання галоўнай тэмы – прымаемыя меры па паляпшэнні жыллёва-камунальнага абслугоўвання насельніцтва, удасканаленне падыходаў і механізмаў іх аказання.
– Пытанні жыллёва-камунальнай гаспадаркі займаюць прыярытэтнае месца ў нашай дзейнасці. Бо па сферы ЖКГ людзі судзяць пра тое, як працуе ўлада. Калі цёпла, чыста, светла – значыць, добра. Трэба бачыць, чуць людзей, і, зыходзячы з гэтага, прымаць тыя рашэнні, якія будуць даваць вынік. Вы больш бачыце на месцах, – падкрэсліла Наталля Качанова.
Міністр жыллёва-камунальнай гаспадаркі Беларусі Генадзь Трубіла вызначыў шэраг найважнейшых напрамкаў у працы ЖКГ, сярод якіх капітальны рамонт жыллёвага фонду, дзейнасць службы 115, добраўпарадкаванне, забеспячэнне насельніцтва цэнтралізаваным водазабеспячэннем і водаводам.