У Дубравне абмяркоўваюць падрыхтоўку да палявых работ у Віцебскай вобласці
Тэма нумар адзін - вясновы сев. Аб мерах па падрыхтоўцы сельгасарганізацый Віцебшчыны да правядзення палявых работ ідзе гаворка на выяздным адкрытым пасяджэнні абласнога выканаўчага камітэта ў Дубровне. У яго працы прымае ўдзел міністр сельскай гаспадаркі і харчавання Юрый Горлаў. Пленарную частку адкрыў старшыня Віцебскага аблвыканкама Аляксандр Субботын.
- Вяснова-пасяўная кампанія з'яўляецца найважнейшым этапам для сельскагаспадарчага года, ад якой у значнай ступені залежыць доля будучага ўраджаю, - падкрэсліў кіраўнік аблвыканкама. - Па выніках працы за 2024 год тэмп росту вытворчасці валавой прадукцыі ў раслінаводстве склаў 112,4 працэнта да ўзроўню 2023 года.
Задача на 2025 год забяспечыць аб'ёмы вытворчасці валавой прадукцыі ў сельгасарганізацыях вобласці да ўзроўню папярэдняга года 107,0 працэнта, у тым ліку раслінаводчай прадукцыі – не менш 115,6 працэнтаў.
Аб тым, што ўжо зроблена і якія пытанні трэба аператыўна дапрацаваць, расказаў старшыня камітэта па сельскай гаспадарцы і харчаванні Віцебскага аблвыканкама Андрэй Булавкін. Таксама на пасяджэнні абмяркуюць тэму рэфармавання сельгасарганізацый вобласці. Удзельнікі пасяджэння наведаць машынны двор ААТ "Дубровенскі райаграсервіс". Тут яны пазнаёмяцца з арганізацыяй рамонту сельгас тэхнікі, працай створаных міжраённых механізаваных атрадаў. У ААТ "Якубова-Агро" паглядзяць, як арганізаваны падкормка азімых зернавых культур, рамонт тэхнікі і раскорчоўка садаў нізкага бонітэта.