Спартыўна-стралковы клуб «Фора» з Оршы выхоўвае патрыётаў
11 лістапада спаўняецца два гады, як у Оршы адкрыўся спартыўна-стралковы клуб па практычнай стральбе з пісталета «Фора». Ён стаў другім у рэспубліцы пасля Віцебска, а ўсяго такіх па краіне ўжо чатыры.
Гэта рух і від спорту імкліва набіраюць папулярнасць як сярод дзяцей і моладзі, так і дарослых. Яшчэ б! Бо гэта такі адрэналін і зарад станоўчых эмоцый. Журналісты «Аршанскай газеты» нядаўна гэта адчулі на сабе і пазнаёміліся з дырэктарам і выхаванцамі клуба «Фора», якія захоплены практычнай стральбой.
Як раз у хлопцаў праходзіла чарговае занятак. Кіраўнік і саўзаснавальнік клуба «Фора» Дзмітрый Якавенка – былы ваенны, таму тэхніку і культуру ўзаемадзеяння з зброяй ведае дасканала.
Дзмітрый Фёдаравіч лічыць, што навучанню навыкам узаемадзеяння з зброяй у сучасным свеце неабходна надаваць пільную ўвагу.
– Зброя – гэта перш за ўсё дысцыпліна, – тлумачыць Дзмітрый. – Для моладзі – гэта яшчэ і падрыхтоўка да дарослага жыцця. Напрыклад, юнакам такія навыкі спатрэбяцца ў арміі або на службе, калі яны захочуць стаць афіцэрамі. Для дзяўчат гэта ўменне справіцца са сваімі эмоцыямі і загартоўваць стрэсавую ўстойлівасць. У дарослых людзей у дадатак фармуюцца канцэнтрацыя ўвагі, дынамічнасць, развіваецца лагічнае мысленне. Падкрэслю, што наша галоўная задача – навучыць бяспечнаму валоданню зброяй.
Сёння ў спартыўна-стралковым клубе «Фора» займаецца каля 70 чалавек. Самаму юнаму спартсмену ўсяго 6 гадоў. На занятках яны адточваюць розныя тактычныя прыёмы працы з пнеўматычнымі пісталетамі і аўтаматамі, вучацца бяспечна з ім узаемадзейнічаць, а таксама валодаць сабой у розных экстрэмальных сітуацыях. Практычная стральба – гэта від спорту, дзе, акрамя дакладнасці стральбы, неабходна яшчэ і хуткасць.
У спартсменаў клуба «Фора» за два гады ўжо назапашаны значны досвед. Ёсць і першыя поспехі. У капілцы ўжо больш за 30 узнагарод. Так, Дыяна Пілатава являецца чэмпіёнам Рэспублікі Беларусь па практычнай стральбе. А нядаўна аршанцы занялі другое месца з 18 каманд на рэспубліканскіх спаборніцтвах сярод ваенна-патрыятычных клубаў. Наперадзе ў спартсменаў новыя дасягненні, але ўжо дакладна ясна, што «Фора» дасць усім фору, бо тут выхоўваюць сапраўдных патрыётаў і абаронцаў Айчыны.
Анастасія ТУРОК.
Фота аўтара.