Настройкі
Настройкі шрыфту
Arial
Times New Roman
Памер шрыфту
A
A
A
Iнтэрвал памiж лiтарамі
Стандартны
Павялічаны
Вялікі
Каляровая схема
Чорным
па белым
Белым
па чорным
Аршанскі раённы выканаўчы камітэт
Галоўная / Навіны / Навіны раёна
28 лістапада 2022

Сярэдняй школе № 3 г. Оршы прысвоена імя Уладзіміра Караткевіча

У гонар знакавой падзеі па прысваенні сярэдняй школе № 3 г. Оршы імя Уладзіміра Караткевіча на будынку ўстановы адукацыі адкрылі мемарыяльную дошку.

Менавіта тут у далёкім 1938 годзе пачаўся школьны шлях класіка беларускай літаратуры. А заўтра, 26 лістапада, Уладзіміру Караткевічу магло споўніцца 92 гады. Таму сённяшняя падзея – вельмі сімвалічная і знакавая для школы і жыхароў мікрараёна.

Ганаровае права адкрыцця мемарыяльнай дошкі дадзена старшыні Віцебскага абласнога Савета дэпутатаў Уладзіміру Цярэнцьеву, старшыні Аршанскага райвыканкама Ігару Ісачэнку і пляменніцы Уладзіміра Караткевіча Алене Сінькевіч.

Ва ўрачыстай абстаноўцы Уладзімір Цярэнцьеў уручыў пасведчанне аб дзяржаўнай рэгістрацыі ўстановы адукацыі дырэктару школы Ірыне Пармон. А школьны музей папоўніўся кнігамі Уладзіміра Караткевіча, якія перадала Алена Сінькевіч з асабістай калекцыі пісьменніка і выданне з успамінамі пра яго.

Гасцям паказалі перасоўны музей аб жыцці і дзейнасці У.С. Караткевіча. У ім пяць экспазіцый: аб дзяцінстве і юнацтве пісьменніка, студэнцкіх гадах, літаратурнай дзейнасці і памятных падзеях у жыцці Уладзіміра Сямёнавіча. У вобразах пісьменніка розных гадоў выступілі самі навучэнцы.

Затым у актавай зале школы творчыя калектывы ўстановы адукацыі прадставілі музычна-тэатралізаваныя кампазіцыі паводле твораў Уладзіміра Караткевіча.

Сяргей СЛЯПЦОЎ.
Фота аўтара.

http://www.orshanka.by/?p=89373

Да спіса навін