Рэспубліканская акцыя «За бяспеку разам»
Адна з асноўных прычын узнікнення пажараў па-ранейшаму застаецца пренебрежанне грамадзян правіламі пажарнай бяспекі з-за неуважлівасці або незнання.
З 7 па 15 сакавіка 2026 года на тэрыторыі Аршанскага раёна пройдзе рэспубліканская акцыя «За бяспеку разам». Мэтаю акцыі з'яўляецца павышэнне ўзроўню культуры бяспекі сярод насельніцтва, зніжэнне рызыкі гібелі людзей ад знешніх прычын, у тым ліку пажараў з-за несаблюдання правілаў пажарнай бяспекі, павышэнне інфармаванасці насельніцтва аб магчымасцях дзяржаўных арганізацый па аказанні паслуг (дапамогі) у сферы забеспячэння пажарнай бяспекі, а таксама ўмацаванне правапарадку і папярэджанне правапарушэнняў, якія здзяйсняюцца грамадзянамі ў стане алкагольнага ап'янення. У прафілактычных мерапрыемствах прымуць удзел прадстаўнікі зацікаўленых структур.
Традыцыйна, у першую чаргу, суб'екты прафілактыкі ўдзяляць увагу сем'ям, у якіх дзеці знаходзяцца ў сацыяльна небяспечным становішчы, адзінокім і адзіночна пражываючым пажылым грамадзянам, інвалідам і іншым, найбольш сацыяльна ўразлівым катэгорыям грамадзян.
У рамках акцыі любы жадаючы можа звярнуцца ў тэрытарыяльныя органы і падраздзяленні па надзвычайных сітуацыях для правядзення абследавання супрацьпажарнага стану свайго жылля.
Нагадваем, што, у адпаведнасці з заканадаўствам Рэспублікі Беларусь, адказнасць за выкананне патрабаванняў пажарнай бяспекі ў жылых дамах, якія належаць грамадзянам на праве прыватнай уласнасці, ускладзена на іх уласнікаў. Праверце на працаздольнасць аўтаномныя пажарныя сігналізатары, а ў выпадку іх адсутнасці – усталюйце іх у жылых памяшканнях дамаводства. Звярніце ўвагу на справнасць ацяпляльнага абсталявання і электрычнай праводкі. Будзьце асцярожныя і ўважлівыя пры выкарыстанні адкрытага агню.
Беражыце сябе і сваіх блізкіх. У выпадку надзвычайнай сітуацыі тэлефануйце па тэлефонах 101 або 112!