Пяць шматкватэрных дамоў агульнай плошчай 26,3 тыс. кв. метраў увядзюць у эксплуатацыю ў 2025 годзе

Аб гэтым на нядаўняй сесіі райсавета расказаў намеснік дырэктара ўпраўлення капітальнага будаўніцтва Аршанскага раёна Канстанцін Селіваноў. 31 студзеня гэтага года ўжо здадзены пад ключ 80-кватэрны жылы дом па вул. Канстанціна Заслонова, агульнай плошчай 4, 12 тыс. кв. м. У трэцім квартале запланаваны ўвод жылых дамоў № 2, 3 і 7 у раёне вуліц Уладзіміра Леніна і Вісарыёна Белінскага, у снежні – 80-кватэрнага дома па вул. 1 Мая.

У 2025 годзе запланаваны ўвод 474 кватэр, з іх: 10 кватэр сацыяльнага карыстання, 76 кватэр для ваеннаслужачых (у 2024 г. пабудавана 44 кватэры), 17 кватэр для прадастаўлення грамадзянам замест знесенага жылля, 81 кватэра для грамадзян і юрыдычных асоб без прыцягнення сродкаў дзяржаўнай падтрымкі і арыентировачна 290 кватэр для чарговікаў Аршанскага райвыканкама, большая частка з якіх гэта шматдзетныя сем'і. На будаўніцтва аб'ектаў інжынерна-транспартнай інфраструктуры да раёнаў жылой забудовы ўжо выдзелены грашовыя сродкі. Акрамя будаўніцтва сетак, да будуючых шматкватэрных дамоў у гэтым годзе будзе працягнута ўладкаванне інжынерна-транспартнай інфраструктуры да новага раёна індывідуальнай жылой забудовы «Шчотынка» (больш за 160 зямельных участкаў). У 2025 годзе запланаваны таксама ўвод у эксплуатацыю дзіцячага сада ў раёне вуліц Уладзіміра Леніна і Вісарыёна Белінскага. Заказчыкам ужо праводзяцца працэдурныя закупкі інжынернага і тэхналагічнага абсталявання. Дзіцячы сад разлічаны на 175 месцаў, прадугледжана будаўніцтва басейна, дзевяці ценявых навесаў, гульнявых і фізкультурных пляцовак.

У горадзе будзе ўзведзены флагшток па вул. Уладзіміра Леніна ў раёне парка Герояў. Вышыня збудавання з улікам пастамента складзе 52 метры. Побач з флагштоком прадугледжана ўстаноўка гранітнага знака з выявамі дзяржаўнай сімволікі Рэспублікі Беларусь. У планах у будаўнікоў завяршэнне праектна-выяўленчых работ па ўзвядзенні ваенна-патрыятычнага цэнтра дзяцей і моладзі па вул. Уладзіміра Леніна ў Оршы. Праектам прадугледжваецца ўладкаванне комплексу будынкаў і збудаванняў адкрытага і закрытага тыпу на тэрыторыі каля 3 га. Асноўным аб'ектам будзе аднапавярховае будынак з вучэбнымі кабінетамі і адміністрацыйнымі памяшканнямі, а таксама тиром з дыстанцыяй стральбы на 10, 25, 50, 100 і 150 м. Плануецца пачаць будаўніча-мантэжныя работы па аб'екту «Ушырэнне праезнай часткі вул. Міра на ўчастку ад вул. Пагранічнай да вул. Івана Якубоўскага са будаўніцтвам падземнага пераходу».

Людміла МАРШАЛОВІЧ.

Фота Сяргея СЛЕПЦОВА.

Крыніца: https://www.orshanka.by/