Парадак звароту за ажыццяўленнем адміністрацыйных працэдур у
электроннай форме
- закондаўчымі актамі і пастановамі Савета Міністраў Рэспублікі Беларусь нароўні з падачай заяўкі зацікаўленай асобы ў пісьмовай ці вуснай форме можа быць прадугледжана магчымасць падачы такой заяўкі ў электроннай форме;
- заяўка зацікаўленай асобы ў электроннай форме падаецца праз адзіную платформу электронных паслуг;
- пералік адміністрацыйных працэдур, заяўкі зацікаўленых асоб па якіх падаюцца ў электроннай форме праз адзіную платформу электронных паслуг, вызначаецца Саветам Міністраў Рэспублікі Беларусь з указваннем у такім пераліку спосабу ідэнтыфікацыі і аўтэнтыфікацыі зацікаўленай асобы, а таксама магчымасці падачы адміністрацыйнай скаргі і атрымання адміністрацыйнага рашэння праз адзіную платформу электронных паслуг.
Заяўка зацікаўленай асобы ў электроннай форме падаецца праз адзіную платформу электронных паслуг пасля атрымання да яе доступу:
- без выкарыстання сродкаў ідэнтыфікацыі (адкрыты доступ без аўтарызацыі);
- з выкарыстаннем унікальнага ідэнтыфікатара зацікаўленай асобы. Парадак атрымання ўнікальнага ідэнтыфікатара ўсталёўваецца Саветам Міністраў Рэспублікі Беларусь;
- з выкарыстаннем асабістага ключа электроннага лічбавага подпісу, сертыфікат адпаведнага адкрытага ключа якога выдадзены рэспубліканскім упаўнаважаным цэнтрам Дзяржаўнай сістэмы кіравання адкрытымі ключамі праверкі электроннага лічбавага подпісу Рэспублікі Беларусь.
Выдача ўнікальнага ідэнтыфікатара
• дакумент, які пацвярджае асобу
Алгарытм ажыццяўлення адміністрацыйных працэдур у электроннай форме праз адзіную платформу электронных паслуг
Рэгістрацыя на адзінай платформе электронных паслуг
Зарэгістравацца на платформе «Е-Паслуга» (раздзел «Рэгістрацыя») можна двума спосабамі:
- праз электронную пошту шляхам запаўнення рэгістрацыйнай формы. Атрымаўшы паведамленне па электроннай пошце, неабходна актываваць асабісты кабінет карыстальніка;
- праз электронны лічбавы подпіс. У гэтым выпадку трэба прытрымлівацца адпаведнай інструкцыі.
Аўтарызацыя на платформе
Аўтарызацыя залежыць ад спосабу рэгістрацыі: альбо з выкарыстаннем лагіна і пароля, альбо з выкарыстаннем ЭЦП. Ідэнтыфікавацца можна з дапамогай унікальнага ідэнтыфікатара.
Запаўненне электроннай заяўкі аб ажыццяўленні электроннай працэдуры
Электронная заяўка аб ажыццяўленні электроннай працэдуры запаўняецца ў асабістым кабінеце карыстальніка. Пералік адміністрацыйных працэдур у адпаведнасці з правамі карыстальніка адлюструецца ў яго асабістым кабінеце.
Аплата працэдуры
Пры заказе электроннай працэдуры ў асабістым кабінеце карыстальніка фарміруецца 30-значны код — нумар заказу, з дапамогай якога аплачваецца дадзеная працэдура любым зручным спосабам (напрыклад, праз любое аддзяленне банка, ЕРЫП). У асабістым кабінеце карыстальнік прымацоўвае электронны выгляд квітанцыі аб аплаце адміністрацыйнай працэдуры.
Атрыманне электроннага рашэння
Электронную заяўку ўпаўнаважаны дзяржаўны орган разглядае ў тым жа парадку, што і заяўкі ў пісьмовай форме, але з улікам некаторых асаблівасцей. Пасля выканання адміністрацыйнай працэдуры ўпаўнаважаным органам у асабістым кабінеце карыстальніка адлюструецца рашэнне па выніках аказання адміністрацыйнай працэдуры.