Аршанцы паспяхова выступілі на абласным моладзевым спартыўным форуме «#ОСА»
Абласны маладзёжны спартыўны форум «#ОСА» прайшоў у мінулыя выходныя на базе турыстычна-аздараўленчага комплексу «Лосвідо» ў Гарадокскім раёне. У ім прынялі ўдзел больш за 100 актывістаў БРСМ, у тым ліку і з Оршанскага раёна.
З прывітальнымі словамі да ўдзельнікаў форуму звярнуліся старшыня Гарадокскага райвыканкама Ірына Полякова, першы сакратар Віцебскага абласнога камітэта БРСМ Жанна Нарыцына і майстар спорту міжнароднага класа лёгкаатлетка Марина Даманцэвіч.
– Абласны маладзёжны спартыўны форум праводзіцца два разы на год – восенню і зімой. Мерапрыемства накіравана на ўмацаванне і развіццё актыўнай жыццёвай і грамадзянскай пазіцыі, прапаганду здаровага ладу жыцця ў маладзёжным асяроддзі і абмен вопытам працы актыва БРСМ, – адзначыла Жанна Викторовна.
Пасля адкрыцця форуму шляхам жэраб'ёўкі былі сфармаваны каманды. Традыцыйна падзел адбываецца не па тэрытарыяльным прынцыпе. Гэта выдатны спосаб пазнаёміць удзельнікаў мерапрыемства паміж сабой.
Каманды спаборнічалі ў спартыўным конкурсе, музычным квізе і інтэлектуальнай віктарыне. Два апошніх выпрабаванні былі прысвечаны 80-годдзю Вялікай Перамогі. Таксама ў рамках форуму адбыўся дабрачынны лёгкаатлетычны забег і збор сродкаў на лячэнне 6-гадовага Данііла Дука з Новалукомля.
Завяршыўся форум конкурсам мастацкай самадзейнасці «Мая сям'я БРСМ». Тут каманды выступалі ўжо па тэрытарыяльным прынцыпе. Для гледачоў і членаў журы выступленне оршанцаў стала адным з самых запамінальных. У выніку каманда з Оршанскага раёна заняла другое месца. Пераможцамі сталі прадстаўнікі Чашніцкага раёна, а тройку прызёраў замкнула моладзь Глыбокскага раёна.
Вадзім КРАВЧЭНКА.
Фота аўтара.