Оршанскі ВПК «Вітязь» адзначыў чатырохгадовы юбілей з дня заснавання

У сярэдняй школе № 3 імя В. С. Кароткевіча г. Оршы адбылося ўрачыстае мерапрыемства, прысвечанае чатырохгадоваму юбілею з дня заснавання ваенна-патрыятычнага клуба «Вітязь».

Клуб, створаны 20 студзеня 2022 года намаганнямі першага стралковага батальёна вайсковай часці 5524 і Аршанскага раённага цэнтра дзяцей і моладзі, за гэтыя гады стаў сапраўднай кузняй характару для сотняў аршанскіх хлопцаў і дзяўчат.

Парадаваць юных патрыётаў з днём нараджэння клуба прыйшлі прадстаўнікі ўлады, ваеннага камандавання, духавенства і калегі з іншых ваенна-патрыятычных аб'яднанняў горада. У сваіх выступленнях госці высока ацанілі ўклад клуба ў выхаванне падрастаючага пакалення.

Госці ўручылі клубу і яго лепшым выхаванцам і выпускнікам за актыўную жыццёвую пазіцыю і настойлівасць граматы і падарункі. Асобных слоў падзякі былі ўдастоены бацькі выхаванцаў клуба.

 Урачыстасць стала не толькі нагодай для падвядзення вынікаў, але і яркім святам. Выхаванцы «Вітязя» прадэманстравалі відовішча паказальнае выступленне па рукапашным бою.

Таксама па традыцыі рады клуба папоўнілі навічкі, якія ў ўрачыстай абстаноўцы прамовілі клятву.

Дзень нараджэння «Вітязя» даў афіцыйны старт маштабнаму раённаму месячніку ваенна-патрыятычнага выхавання. Наперадзе ў школьнікаў і навучэнцаў каледжаў Аршаншчыны конкурсы, дыялогавыя пляцоўкі, ўрокі мужнасці, сустрэчы з цікавымі людзьмі, спартыўныя святы і ваенізаваныя эстафеты. У навучальных установах будуць працаваць тэматычныя фотазоны, праводзіцца канцэрты.

Вадзім КРАЎЧЭНКА.
Фота аўтара.

 Крыніца orshanka