Оршанец Максім Сернав – першы камбайнер‑двухтысячнік Віцебшчыны
Літаральна на мінулым тыдні кіраўніцтва Аршанскага раёна і прафсаюзы віншавалі камбайнера з ААТ «Агрокамбінат «Юбілейны» Максіма Сярнова з тысячным намалотам. І вось сёння новы поспех на хлебным полі. Ён першым у Віцебскай вобласці перасягнуў рубеж у дзве тысячы тон зерня.
Максім зноў у цэнтры ўвагі. На полі каля аграгарадка Зубова, дзе працаваў хлебароб, прыехалі старшыня камітэта па сельскай гаспадарцы і харчаванню Віцебскага аблвыканкама Андрэй Булавкін, кіраўнік Аршанскага раёна Ігар Мороз, старшыня Аршанскай раённай арганізацыі Беларускага прафесійнага саюза работнікаў аграпрамысловага комплексу Альга Нікітэнкава і прадстаўнікі кіраўніцтва агрокамбіната «Юбілейны».
Па полі плывуць камбайны. За штурвалам аднаго з іх – перадавік цяперашняй ўборачнай кампаніі Максім Сярнов. Літаральна на некалькі хвілін ён спыняе свой КЗС, каб павіншаваць гасцей, якія прыехалі яго павіншаваць з новай працоўнай перамогай.
– Дзякуй табе, Максім, за твае стараніі, настойлівасць і добрасумленную працу, – працягваючы руку, кажа Андрэй Булавкін і ўручает дыплом.
– Маладзец! Так трымаць! Аршанскі раён табой ганарыцца, – дадае Ігар Мороз і таксама ўручает узнагароду.
Максім Станіслававіч хоць ужо не першы раз становіцца лідарам ўборачнай кампаніі, усё роўна саромеецца і скромна прымае віншаванні, кажа ўсім «Дзякуй!» за такую ўвагу да яго.
У ААТ «Агрокамбінат «Юбілейны» Максім Сярнов працуе ўжо шмат гадоў. На яго рахунку гэта ўжо дзесятая ўборачная кампанія. Два гады таму ён паставіў свой асабісты рэкорд. Намалот 4600 тон зерня. Цяпер хлебароб намераны дасягнуць новай вышыні.
Анастасія ТУРОК.
Фота Сяргея СЛЕПЦОВА.