Неверагодны дух адзінства. Чым запомніўся Форум патрыятычных сіл у сталіцы дэлегацыям Віцебскай вобласці
Грандыёзны Форум патрыятычных сіл, прысвечаны Дню народнага адзінства і арганізаваны Штабам патрыятычных сіл, прайшоў у сталічным Палацы спорту. Прыбылі дэлегацыі ўсіх рэгіёнаў краіны, уключаючы 150 чалавек з Віцебшчыны на чале з намеснікам старшыні аблвыканкама Вячаславам Дурновым: прадстаўнікі органаў улады, палітычных партый, грамадскіх арганізацый, прадпрыемстваў розных сфер дзейнасці, моладзь.
Аб героічнай гісторыі нашай краіны, яе складаных перыядах, мужнасці, стойкасці і мудрасці беларускага народа, нацыянальных традыцыях і генетычным кодзе – дыялог ішоў пра тое, што ляжыць у аснове адзінства. Проста і шчыра пра складаныя рэчы.
Вядомыя палітыкі, лідары меркаванняў, грамадскія дзеячы выступілі ў якасці спікераў. Заслужаны работнік сельскай гаспадаркі Рэспублікі Беларусь, старшыня Пастаяннай камісіі Савета Рэспублікі па заканадаўстве і дзяржаўнаму будаўніцтву Міхаіл Русы нагадаў пра сімвалічнасць правядзення свята ў мінскім Палацы спорту. Менавіта дэлегаты першага Усебеларускага народнага сходу ў кастрычніку 1996 года, «з заміраннем сэрца і пачуццём глыбокай надзеі і ўпэўненасці» слухалі праграмнае выступленне кіраўніка дзяржавы. Тут жа адзінагалосна падтрымалі новы фармат інстытута прэзідэнцтва, пры якім Прэзідэнт краіны з'яўляецца кіраўніком дзяржавы, гарантам Канстытуцыі і правоў чалавека.