«Тыдзень мабільнасці» і «Дзень без аўтамабіля»

У рамках экалагічнага праекта «Тыдзень мабільнасці» і акцыі «Дзень без аўтамабіля» Аршанская гарадская раённая інспекцыя прыродных рэсурсаў і аховы навакольнага асяроддзя звяртае ўвагу насельніцтва на праблему забруджвання атмасфернага паветра транспартнымі сродкамі.

Інспекцыя запрашае жыхароў горада праявіць адказнасць перад прыродай і ўласным здароўем, падтрымаўшы акцыю простым дзеяннем — адмовіўшыся ўсяго толькі на адзін дзень ад паездак на асабістым транспарце, які працуе на бензіне або дызельным паліве. Гэты невялікі ўклад дазволіць адчувальна скараціць выкіды забруджвальных рэчываў, станоўча паўплывае на чысціню гарадскога паветра і павысіць агульны ўзровень камфорту пражывання ў горадзе. Аддаўшы перавагу прагулкам пешшу, паездкам на веласіпедзе або перамяшчэнню на экалагічна чыстых відах транспарту, такіх як самакаты або грамадскі транспарт, мы зробім горад чыстым і прыемным для сябе і будучых пакаленняў.