Не дай лясу цябе заплутаць: правілы ад МЧС для тых, хто заблудзіўся

Лес – крыніца чыстага паветра, ягадаў, грыбоў і душэўнага спакою. Але ён таксама можа стаць і сур'ёзным выпрабаваннем для непадрыхтаванага чалавека. Кожны год работнікі МНС адправляюцца на пошукі людзей, якія згубіліся ў лясных масівах. З пачатку 2025 года ў Рэспубліцы Беларусь згубілася 62 чалавекі, з іх 6 дзяцей.

Каб Ваша прагулянка не абярнулася бядой, запомніце і выконвайце простыя, але жыццёва важныя правілы. Калі Вы зразумелі, што згубіліся – спыніцеся. Самая галоўная і частая памылка – паніка і бясцэльны рух. Далейшы рух без яснага плана звычайна ўводзіць глыбей у гушчу і ўскладняе пошукі ратавальнікам. Калі Вы дакладна памятаеце напрамак, адкуль прыйшлі, чуеце шум дарогі, галасы людзей або хатніх жывёл і ўпэўнены, што зможаце вярнуцца – самастойна рухайцеся. Калі разумееце, што самастойна выйсці не ўдасца – патэлефануйце ратавальнікам па нумары 101 або 112, паведаміце дыспетчару, што Вы згубіліся, прыкладнае месца, адкуль заходзілі ў лес, калі пачалі паход, апішыце, што бачыце вакол, паведаміце, у што вы адзеты, і Вашу прозвішча, імя і ўзрост. Галоўнае – не вешайце трубку. Аставайцеся на сувязі, выконвайце ўказанні ратавальнікаў. Эканомце рэсурсы. Ваду піць маленькімі глоткамі, размеркавайце наяўную ежу, не ешьце незнаёмыя ягады, грыбы, расліны – гэта небяспечна для жыцця!

Помніце: Ваша галоўная задача, калі Вы згубіліся – дачакацца дапамогі на месцы і максімальна палегчыць ратавальнікам Вашае выяўленне. Спакой, разумныя дзеянні і выкананне гэтых правілаў – залог Вашага выратавання!