На сесіі райсавета падвялі вынікі працы рэгіёна за 2025 год
На апошняй у мінулым годзе сесіі Аршанскага раённага Савета дэпутатаў пад старшынствам Інны Хомутоўскай падвялі вынікі сацыяльна-эканамічнага развіцця рэгіёна за 2025 год, вызначылі перспектыўныя задачы на наступны.
З падрабязным дакладам перад дэпутатамі і актывам рэгіёна выступіў старшыня Аршанскага райвыканкама Ігар Мороз. Ён расказаў, як сработалі асноўныя галіны, якіх поспехаў удалося дасягнуць, але асабліва спыніўся на тым, што трэба будзе рабіць ужо заўтра.
– Яшчэ шмат пытанняў патрабуюць свайго рашэння, – падкрэсліў Ігар Аляксандравіч. – Ключавымі задачамі ў 2026 годзе для нас стануць: забеспячэнне росту прадукцыйнасці працы і экспартнага патэнцыялу прамысловых прадпрыемстваў, далейшае павышэнне эфектыўнасці і канкурэнтаздольнасці сельскагаспадарчага вытворчасці, павышэнне інвестыцыйнай прывабнасці раёна, якасці паслуг у сферы ЖКГ і сістэмная праца па добраўпарадкаванню, далейшае развіццё сацыяльнай інфраструктуры, асабліва ў сельскай мясцовасці, умацаванне кадравага патэнцыялу.
Глава раёна выказаў упэўненасць, што аб'яднанне намаганняў улады, бізнесу і грамадскасці дазволіць раёну паспяхова вырашаць пастаўленыя задачы, павышаць якасць жыцця грамадзян і ўносіць годны ўклад у развіццё Віцебскай вобласці і Рэспублікі Беларусь.
На 29-й сесіі дэпутаты таксама адобрылі бюджэт раёна і зацвердзілі інвестыцыйную праграму на наступны год.
Анастасія ТУРОК.
Фота Сяргея СЛЕПЦОВА.