«Мы гэтай памяці верныя»: у Віцебску адкрыліся выстава ваенна‑патрыятычных клубаў, адзінак і школьных музеяў да 80‑годдзя Перамогі
Беларускі народ бережна захоўвае памяць пра трагічныя падзеі Вялікай Айчыннай вайны, пра гераізм і мужнасць дзядоў і прадзедаў, пра чалавечыя ахвяры і цану Вялікай Перамогі.
Асобная роля ў захаванні гістарычнай памяці належыць ваенна-патрыятычным пошукавым атрадам, асноўнай задачай якіх з'яўляецца ўвекавечанне памяці загінулых салдат. За кожнай рэліквіяй, знойдзенай пошукавікамі на месцах баёў, – лёсам і імем чалавека, які ўсе гэтыя гады лічыўся зніклым без весткі.
У Музеі гісторыі прыватнага калекцыянавання ў Віцебску прадставілі тэматычную экспазіцыю «Мы гэтай памяці верныя». Ініцыятарам стварэння выставачнага праекта выступіла старшыня Савета па ўзаемадзеянні пошукавых атрадаў Віцебскай вобласці «Пошук» Ларыса Бруева. На выставе прадстаўлены матэрыялы з гісторыі пошукавага руху ў Віцебскай вобласці з 1984 года па цяперашні час.
Першые пошукавыя атрады і клубы сталі з'яўляцца ў Віцебскай вобласці ў 1980-х гадах: «Іскатель» ПТУ №96 і «Пошук» ПТУ №19 Віцебска, «Разведчыкі воінскай славы» СШ №2 Наваполацка і «Русічы» ПТУ №110 Оршы.
Першыя ў Беларусі «Вахты Памяці» і пошукавыя экспедыцыі былі праведзены ў Дубровенскім, Віцебскім, Ліёзненскім, Шумілінскім, Полацкім раёнах Віцебскай вобласці. А пасля правядзення ў раёне возера Лосвіда першага абласнога пошукавага лагера ўстаноў адукацыі, на базе саветаў школьных музеяў баявой славы пачалі стварацца пошукавыя атрады.
У красавіку 1991 года ў Віцебскай вобласці было каля 30 атрадаў, якія ўваходзілі ў Віцебскае абласное аб'яднанне «Пошук», зарэгістраванае Усесаюзнай асацыяцыяй пошукавых аб'яднанняў «Народная памяць пра загінулых абаронцаў Айчыны».
Слаўныя традыцыі пошукавага руху на Віцебшчыне ў рамках Беларуска-расійскай праграмы «Неба Радзімы» сёння працягваюць пошукавікі атрадаў «Разведчыкі Воінскай Славы» Наваполацка, «Громаўцы» ГУО «СШ №40 Віцебска імя М.М.Громава» і «Авіапошук» Барысава.
Дзякуючы працы пошукавікаў на тэрыторыі Віцебскай вобласці за 35 гадоў былі падняты і пахаваны парэшткі больш за 4 тысячы загінулых абаронцаў Айчыны. Пошукавымі атрадамі «Іскатель» і «РВС» знойдзены месцы гібелі адзінаццаці самалётаў 1-й і 3-й паветраных армій і авіяцыі далёкай дзеяння, падняты парэшткі экіпажаў, устаноўлены і ўвекавечаны іх імёны. Дзякуючы шматгадовай даследчай працы з дакументамі архіваў многія сваякі загінулых воінаў даведаліся і змаглі наведаць месцы, дзе спачываюць парэшткі іх блізкіх людзей.
Актыўна супрацоўнічаюць з пошукавікамі і праводзяць вялікую архіўна-мемарыяльную працу Народны музей «Гісторыя Заронаўскага краю» Віцебскага раёна, Народны музей баявой славы 39-й Арміі ў ГУО «Гімназія №5 Віцебска імя І.І.Люднікава», Народны музей баявой славы 251-й Віцебскай стралковай дывізіі», Гістарычны музей ГУО «Варанавіцкая СШ Віцебскага раёна імя І.Е.Бесхлебнага», Народны музей ГУО «СШ №2 г.Наваполацка імя Е.А.Трапезнікавай», Гістарычна-краязнаўчы музей ГУО «Матюшэўская БШ Полацкага раёна імя П.Е.Купрыянава».