Лукашэнка: адносіны народаў Беларусі і Італіі з'яўляюцца прыкладам шчырай дружбы
Прэзідэнт Беларусі Аляксандр Лукашэнка павіншаваў народ Італіі з галоўным дзяржаўным святам - Днём абвяшчэння Італьянскай Рэспублікі. Аб гэтым БЕЛТА паведамілі ў прэс-службе беларускага лідара.
"Для беларусаў Італія - гэта перш за ўсё краіна з унікальнай гісторыяй і непаўторнай культурай, багатай прыродай, адкрытымі і гасціннымі людзьмі, неабыякавымі да чужой бяды", - гаворыцца ў віншаванні.
Кіраўнік дзяржавы адзначыў, што адносіны паміж народамі Беларусі і Італіі з'яўляюцца прыкладам шчырай дружбы, якая мае трывалую аснову. "Разам мы здолелі пабудаваць моцныя і шматгранныя сувязі ў розных сферах, - падкрэсліў Прэзідэнт. - Упэўнены, нягледзячы на геаграфічную адлегласць і складаную геапалітычную сітуацыю, мы застанемся добрымі партнёрамі, зацікаўленымі ў падтрымцы і развіцці ўсебаковага супрацоўніцтва".
Аляксандр Лукашэнка пажадаў усім жыхарам Італіі міру, згоды і росквіту.