Хто прадставіць Оршу на абласным кастынгу конкурсу прыгажосці «Міс Беларусь»?

У Оршы ў ГЦК «Перамога» прайшоў рэгіянальны адборны кастынг ХIV Нацыянальнага конкурсу прыгажосці «Міс Беларусь».

Рост не ніжэй 172 сантыметраў, прыемная знешнасць, актыўная грамадзянская пазіцыя, адсутнасць татуіровак і пірсінга – вось асноўныя патрабаванні да прэтэндэнтак на запаветны тытул.

Дзяўчаты паказалі сябе ў дэфіле, расказалі аб захапленнях і адказалі на пытанні журы, у склад якога ўвайшлі начальнік аддзела культуры Аршанскага райвыканкама Сяргей Горбачоў, мастацкі кіраўнік ГУК «Аршанскі раённы цэнтр культуры» Святлана Гнедкова, пераможца міжнароднага конкурсу прыгажосці «Сусветная мадэль-2024» Марына Маленкова, кіраўнік Віцебскага філіяла арт-театра «Вяршыня» Елізавета Савушкіна.

У наступны этап конкурсу прайшлі чатыры дзяўчыны – настаўніцы сярэдняй школы № 16 г. Оршы Кацярына Бабічева і Арына Сярэбра, студэнтка Гродзенскага дзяржаўнага універсітэта імя Янкі Купалы Марыя Харкевіч і навучэнка Аршанскага каледжа ВГУ імя П. М. Машэрава Ірына Олесюк. Яны прымуць удзел у абласным кастынгу, які пройдзе 17 красавіка ў Віцебску.

Крыніца: (https://www.orshanka.by/?p=137059)