Хто з оршанцаў лідзіруе на міжнародным шахматным турніры?

 У Ледавай арэне працягваецца XXIII Міжнародны турнір па шахматах «Арша-2025». Аршанцы традыцыйна паказваюць добрыя вынікі.

 На сённяшні дзень ужо сыграна шэсць з дзевяці тураў. У самай вялікай групе А лідуе міжнародны майстар Вячаслаў Зарубіцкі (5,5 ачкоў), выпускнік аддзялення шахмат Аршанскай СДЮШОР №2, які зараз выступае за Мінск. Яшчэ адзін аршанец – майстар ФІДЭ Міхей Науменка, які цяпер прадстаўляе Рэспубліканскі цэнтр алімпійскай падрыхтоўкі па шахматах і шашках (Мінск), на чацвёртай радку ў гэтай групе з пяццю ачкамі. Столькі ж у міжнародных гросмайстраў Івана Розума (Валагодская вобласць, Расія) і Віталія Тетерева (Новаполацк), якія абходзяць аршанца па дадатковых паказчыках.

 Яшчэ ў адной наймоцнай групе В – турніры з нормай бала міжнароднага майстра і міжнароднага гросмайстра на першым месцы майстар ФІДЭ Міхаіл Спіжарны, таксама выпускнік аддзялення шахмат СДЮШОР №2.

У адкрытым турніры В, дзе гуляюць без аблічэння рэйтынга ФІДЭ, з 39 удзельнікаў аршанцы Аляксандр Баркоўскі (зараз выступае за Мінск) ідзе на першай пазіцыі, Нікіта Асінскі – на шостай.

 Шахматныя паядынкі ў Аршы будуць праходзіць да 9 лютага, калі адбудзецца цырымонія ўзнагароджання і закрыццё турніра.

Крыніца: (https://www.orshanka.by/?p=137202)