Як у Оршы ў дворах шматпавярховых дамоў наводзяць парадак
Члены калегіяльных органаў тэрытарыяльнага грамадскага самакіравання, створаныя ў гэтым годзе пры дамоуправленнях, узяліся за добраўпарадкаванне прыдамовых тэрыторый шматпавярховак. На гэтым тыдні вызначаны восем аб'ектаў, якія за два дні прывядуць у парадак. У Оршы гэта дворы па праспекце Тэкстыльшчыкаў, 7; Сергія Грыцэўца, 11; Уладзіміра Леніна, 172; Міра, 68; Георгія Семянова, 4; у Барані – па вул. Оршанскай, 15; у аграгарадку Бабінічы – па вул. Спартыўнай, 20, а ў г.п. Болбасава па вул. Маладзёжнай, 18.
У двары па вул. Уладзіміра Леніна, 172 за працу актыўна ўзяліся старшыня КОТОСа № 3, дэпутат Оршанскага райсавета Леанід Хмылоў, работнікі ЖЭУ-3 разам з начальнікам Сяргеем Жучком, супрацоўнікі аддзела ЖКГ Оршанскага райвыканкама і КУП «Оршакомхоз». На жаль, ніхто з жыхароў дома так і не выйшаў на суботнік, хаця аб'ява пра яго была развешана на кожным пад'ездзе. Удзельнікі суботніка зладжана працавалі невялікай камандай, але літаральна за некалькі гадзін здолелі зрабіць шмат. На тэрыторыі за і каля дома прыбралі груды смецця і непатрэбшчыны, каля кожнага пад'езду пафарбавалі лавачкі, абкосілі траву не толькі ў двары дома № 172, але і суседняга – № 170.
– Ініцыятыва наводзіць парадак на сваёй малой радзіме вельмі патрэбная і важная, – лічыць дэпутат Леанід Хмылоў. – Мы асабістым прыкладам паказваем, што гэта зусім не складана выкрасці ў сваім графіку пару гадзін, каб заняцца добраўпарадкаваннем дваровай тэрыторыі. Хочацца, каб і самі жыхары шматпавярховак праяўлялі актыўнасць, выходзілі на суботнікі і стваралі ўтульнасць і чысціню там, дзе яны жывуць.
Жыхарка дома Ірына Субботіна пра мерапрыемства даведалася напярэдадні з аб'явы на пад'ездзе
– Мне не ўсё роўна, у якой асяроддзі я жыву. Прыемна, калі чыста і прыгожа, – адзначае Ірына.
Яна працуе на хуткай дапамозе і на ўборку ў двары выйшла пасля начнога дзяжурства. Як кажа, трохі падбадзёрыцца. Работы ў двары не так шмат, але вынік будзе заўважны адразу.
Сам двор даволі акуратны, нядаўна быў капітальны рамонт дома. У гэтым годзе ўсталявалі новую дзіцячую гульнявую пляцоўку. Сюды прыходзяць гуляць і дзеці з суседніх двароў, месцаў хапае ўсім.
Асноўны ж «дэсант», які працаваў на гэтай тэрыторыі, – гэта старшыня КОТОСа № 2 дэпутат Оршанскага райсавета Сяргей Мацкевіч, яго намеснік Аксана Лагімахава, работнікі ЖЭУ-2 пад кіраўніцтвам начальніка ўчастка Івана Лагімахава, інжынер КУП «Оршакомхоз» Анна Земцава, валанцёры СШ № 20 імя І. А. Флёрава.
На дваровай тэрыторыі касілі траву, падмяталі, фарбавалі малыя формы: турнікі, стойкі для сушы бялізны, лавачкі, пясочніцу і інш. Матэрыялы для працы прадставіла КУП «Оршакомхоз».
На пытанне журналіста «Аршанкі», як можна арганізаваць такія мерапрыемствы ў іншых дварах, бо КОТОС № 2 распаўсюджваецца на тэрыторыю ўсяго ЖЭУ-2, а ёсць і іншыя, начальнік участку адказаў:
– Такія мерапрыемствы па навядзенні парадку на прыдамовых тэрыторыях можна арганізаваць праз старшыню вашага КОТОСа або звярнуўшыся ў сваё ЖЭУ, – кажа Іван Лагімахаў. – Але важна, каб удзельнічалі жыхары дамоў. Бо не сакрэт, што калі людзі ўклалі свой труд у навядзенне парадку, яны будуць больш дбайна адносіцца да выніку працы, берагчы тое, што зроблена. Таму запрашаем далучыцца, праявіць ініцыятыву і паказаць прыклад суседняму двару!
Сёння было першае мерапрыемства, многія жыхары ў гэты час былі на працы, таму графік па дамоўленасці можна загадзя карэктаваць.
У двары дома № 7 на праспекце Тэкстыльшчыкаў работнікі Оршакомхоза, Оршанскага льнокомбіната, члены БРСМ і мясцовыя жыхары пад кіраўніцтвам старшыні КОТОСа № 1, дэпутата Оршанскага райсавета Елены Кавецкай заняліся добраўпарадкаваннем дзіцячай пляцоўкі.
Вооружившись кисточками и банками с краской, они быстро освежили место отдыха. Также здесь появились и удобные скамейки. Теперь прогулка с детьми станет еще более комфортной.
Дарэчы, 20 жніўня працы па добраўпарадкаванні дваровай тэрыторыі будуць па наступных адрасах: вул. Міра, 68, вул. Георгія Семянова, 4 у Оршы і ў Барані па вул. Оршанская, 15. Пачатак у 10.00.
Анастасія ТУРОК, Сяргей СЛЕПЦОВ, Вадзім КРАВЧЭКНО.
Фота аўтараў.