Дзе можна адпачыць дзецям на летніх канікулах?

Дзе можна адпачыць дзецям у цяперашні летні сезон і пра тое, як будзе арганізаваны летні адпачынак дзяцей і падлеткаў у 2025 годзе, журналісту «Аршанскай газеты» расказала начальнік упраўлення па адукацыі Аршанскага райвыканкама Таццяна Янкоўская:

– Летняе аздараўленне ў 2025 годзе традыцыйна арганізуецца ва ўсіх установах агульнай сярэдняй, спецыяльнай і дадатковай адукацыі дзяцей і моладзі. Усяго плануецца аздаравіць больш за дзве тысячы вучняў сярэдніх школ.
На базе ўстаноў агульнай сярэдняй, спецыяльнай і дадатковай адукацыі дзяцей і моладзі будуць дзейнічаць у дзве змены 52 выхаваўча-аздараўленчыя лагеры з дзённым знаходжаннем.
За 15 дзён адпачыць і набрацца сіл змогуць 2 039 вучняў.
На базе ўстаноў дадатковай адукацыі будуць дзейнічаць выхаваўча-аздараўленчыя лагеры з ваенна-патрыятычным, турысцка-краязнаўчым, экалагічна-біялагічным, спартыўным, мастацкім, судна-, авія- і аўтамадэляваннем, IT-накірункам.
У выхаваўча-аздараўленчым лагеры.

Падрабязную інфармацыю можна атрымаць у ўпраўленні па адукацыі Аршанскага райвыканкама па тэл. 8(0216) 50-60-35 (Наталля Аляксееўна Юрава), па фінансавых пытаннях – па тэл. 8(0216) 51-33-03 (Мая Уладзіміраўна Шаршавіцкая).

Анастасія ТУРОК.
Фота Сяргея СЛЕПЦОВА.