Дэлегат VII ВНС Інна Хомутоўская правяла сустрэчу з працоўным калектывам Оршанскіх электрычных сетак
Дэлегат VII Усебеларускага народнага сходу старшыня Аршанскага раённага Савета дэпутатаў Інна Хомутоўская сёння правяла сустрэчу з працоўным калектывам філіяла «Аршанскія электрычныя сеткі» РУП «Віцебскэнерга».
Яна расказала пра тое, як працавалі дэлегаты на УНС, якія прыярытэтныя напрамкі адзначыў Прэзідэнт Беларусі Аляксандр Лукашэнка падчас звароту з Пасланнем да беларускага народа і Парламента. Падкрэсліла значэнне другога пасяджэння VII Усебеларускага народнага сходу, на якім дэлегаты зацвердзілі Праграму сацыяльна-эканамічнага развіцця Беларусі на 2026-2030 годы.
Паколькі ў зале прысутнічалі энергетыкі, Інна Викторовна больш падрабязна расказала пра тое, што казаў Глава дзяржавы аб энергетычнай самастойнасці краіны.
– Пабудаваная АЭС сур'ёзна ўмацавала нашу энергетычную незалежнасць. Але да 2030 года трэба падняць гэты ўзровень яшчэ вышэй. Надзейнасць энергетычных аб'ектаў сёння становіцца актуальным пытаннем. Так сказаў наш Прэзідэнт, – адзначыла дэлегат УНС.
Гэта значыць, што ў краіне будзе працягвацца будаўніцтва ліній усіх класаў напружання, а таксама падстанцый з разумным запасам магутнасці. Гаворачы простай мовай, старыя провады будуць змяняцца на новыя, падстанцыі будуюцца пад тыя магутнасці, якія патрэбны ў тым ці іншым населеным пункце.
Інна Викторовна адзначыла, што калектыў філіяла «Аршанскія электрычныя сеткі» ажыццяўляе планамерную і сістэматычную працу па павышэнні энергаэфектыўнасці Аршанскага рэгіёна. У 2025 годзе, напрыклад, выканаў уражлівы аб'ём работ па капітальным рамонце электрасетак і трансфарматарных падстанцый, рэканструяваў электрычныя сеткі для прадастаўлення грамадзянам магчымасці выкарыстання электрычнай энергіі ў мэтах ацяплення, гарачага водазабеспячэння і прыгатавання ежы, таксама выканаў шмат іншых работ па павышэнні надзейнасці электразабеспячэння спажыўцоў. У сваю чаргу намеснік дырэктара па ідэалагічнай і сацыяльнай працы Леанід Фурс падзяліўся планамі філіяла на 2026 год.
Падчас сустрэчы жадаючыя маглі задаць Інне Хомутоўскай цікавыя пытанні і атрымаць адказы.
Людміла ЛЮДМІНА.
Фота аўтара.