70 трэцікурснікаў Оршанскага сельскагаспадарчага каледжа прымуць удзел у будучых вясновых палявых работах

У асноўным хлопцы будуць задзейнічаны ў гаспадарках Аршанскага, Сенненскага і Лёзненскага раёнаў.

Вытворчая практыка ў хлопцаў пачнецца ў сакавіку і скончыцца ў чэрвені перад выпуском.

Традыцыйна навучэнцы заменяць на дапаможных работах, як то падвозка насення і ўгнаенняў, больш вопытных механізатараў, якія перасядуць на энерганасычаную тэхніку і выйдуць на палі.

Па словах дырэктара Аршанскага дзяржаўнага аграрнага каледжа Мікалая Барышава, у гэтым навучальным годзе больш чым на 70 чалавек павялічана колькасць навучэнцаў па напрамку прафесійна-тэхнічнай адукацыі. Гэта звязана з запатрабаванасцю працоўных кадраў на вёсцы.