У Гарадскім Палацы культуры і творчасці «Арша» праходзіць фінал абласнога конкурсу маладых выканаўцаў патрыятычнай песні «Песні юнацтва нашых бацькоў». Гэта значная культурная падзея сабрала таленавітую моладзь з усёй Віцебскай вобласці, аб'яднаўшы ўдзельнікаў імкненнем захаваць і перадаць музычную спадчыну мінулых пакаленняў.
У барацьбу за галоўны прыз фестывалю ўступілі 16 вакалістаў і 3 вакальныя групы.
Аршаншчыну прадстаўляе Уладзіслаў Сідарэнка, які выканаў усім вядомую песню «У краі магнолій».
Конкурс «Песні юнацтва нашых бацькоў» не толькі выяўляе таленавітых выканаўцаў, але і спрыяе захаванню культурных традыцый, умацаванню сувязі пакаленняў і выхаванню патрыятызму сярод моладзі.
Віктар СОСНОЎСКІ.
Фота аўтара.
Крыніца orshanka