14 лютага 2025 года ў рамках правядзення рэгіянальнай

14 лютага 2025 года ў рамках правядзення рэгіянальнай акцыі, прысвечанай Дню памяці воінаў-інтэрнацыяналістаў, натарыусы Віцебскага натарыяльнага акругу бясплатна пракансультуюць грамадзян па пытаннях, звязаных з здзяйсненнем натарыяльных дзеянняў.

На працягу дня ўсе жадаючыя могуць звярнуцца ў любую натарыяльную кантору або натарыяльнае бюро Віцебскай вобласці і атрымаць кансультацыю натарыуса па пытаннях афармлення спадчыны, запавету, падзелу маёмасці, шлюбнага дагавора, дагавора дарэння нерухомай маёмасці, здзяйснення выканаўчых надпісаў і іншым пытанням, якія ўваходзяць у кампетэнцыю натарыуса. Звяртаем увагу, што атрымаць бясплатную прававую дапамогу можна як пры асабістым звароце да натарыуса, так і па тэлефонах натарыяльных кантор і натарыяльных бюро, а таксама дыстанцыйна з прымяненнем відэасувязі (месенджары).

Актуальныя кантактныя тэлефоны, а таксама адрасы натарыяльных кантор і натарыяльных бюро размешчаны на сайце Беларускай натарыяльнай палаты belnotary.by у раздзеле «Знайсці натарыуса».

Правядзенне падобных акцый, прысвечаных дзяржаўным святам і іншым памятным датам, для натарыяльнай супольнасці Беларусі стала традыцыйным. Мэтай такіх мерапрыемстваў з'яўляецца, перш за ўсё, забеспячэнне абароны правоў і законных інтарэсаў грамадзян, павышэнне ўзроўню правасвядомасці, прававой культуры і граматнасці насельніцтва.

Ю. БАКАНОВА.

Прэс-сакратар Віцебскай абласной натарыяльнай канторы.