Адрас райвыканкама:
211391, Віцебская вобласць, г. Орша,
вул. Аляксандра Астроўскага, 2

Тэлефон:
8-(0216)-51-12-12

E-mail: rikorsha@vitebsk.by

Орша з вышыні
Орша з вышыні
Галоўная / Навіны / Навіны рэспублікі
1 лістапада 2019

У Беларусі можа быць створана нацыянальная школа пілотаў

Нацыянальная школа пілотаў можа быць створана ў Беларусі. Аб гэтым заявіў сёння на прэс-канферэнцыі дырэктар Дэпартамента па авіяцыі Міністэрства транспарту і камунікацый Арцём Сікорскі, перадае карэспандэнт БЕЛТА.

У гэтым годзе спаўняецца 45 гадоў Беларускай дзяржаўнай акадэміі авіяцыі. Да гэтага юбілею Міністэрства адукацыі пацвердзіла адкрыццё спецыяльнасці па падрыхтоўцы пілотаў. "Мы рыхтуем неабходныя дакументы, зварот на імя кіраўніка дзяржавы, каб ён падтрымаў падыходы, распрацаваныя Дэпартаментам па авіяцыі, акадэміяй па авіяцыі, авіяцыйнымі арганізацыямі, і мы адкрылі сваю школу падрыхтоўкі пілотаў", - сказаў Арцём Сікорскі.

Раней, паводле яго слоў, у Беларусі камерцыйных пілотаў не рыхтавалі, яны праходзілі падрыхтоўку ў Расійскай Федэрацыі, Украіне, краінах Балтыі. "Цяпер мы хочам стварыць сваю, нацыянальную, школу, таму што апошнім часам грамадзянская авіяцыя знаходзіцца ў авангардзе, актыўна развіваецца і дэфіцыт лётных кадраў. Ён існуе ў свеце і ўжо становіцца актуальным для нас, таму падрыхтоўка пілотаў для нас будзе ў прыярытэце", - падкрэсліў дырэктар дэпартамента Мінтранса.

Інтэрнэт-рэсурсы